行程既第3日. 我地由酒店出發, 5分鐘都唔駛就到左獅子紀念碑(垂死獅子像). 這座雕像係紀念在1792年保衛 巴黎杜伊勒里宮的戰鬥中的約1100名瑞士雇傭兵。在石像的上方刻有拉丁文」HELVETIORUM FIDEI AC VIRTUTI」，意為「獻給忠誠和勇敢的瑞士」。下方刻字的第一行是「DIE X AUGUSTI II ET III SEPTEMBRIS MDCCXCII」，表示慘劇發生的時間：1792年的8月10日和9月2，3日。
離開獅子紀念碑. 我地就去到鐵力士雪山(TITLIS)遊覽. 山腳天氣都仲係唔係幾好.
不過瑞士真係瑞士. 周圍既風景真係靚到不得了.
要登上鐵力士峰需要乘座三種交通工具。第一種係普通吊車，第二種交通工具係一輛大型吊車，第三種交通工具係世界首創的旋轉登山纜車，共可承載80位乘客的旋轉纜車，每程都會旋轉360度一圈.
山上有個冰洞, 我們入去行了一個圈
中午餐我地都在山上食. 環境一流. 而且仲有雞翼食. 正呀.
食飽飯. 我地又係時候離開雪山了. 落山既時候, 山腳既天氣變好了. 在寧靜既吊車內, 望住吊車外既風景, 聽住牛鈴發出既"鈴鈴"聲. 真係好舒服. 在瑞士, 真係無時無刻都令我諗起一套卡通片 "飄鈴燕"
離開雪山之後, 我地就去返琉森(LUZERN)行街同埋睇花橋(KAPELLBRUCKE). 在瑞士, 就連喂下天鵝食野. 感覺都特別RELAX.
我地在琉森有小小自由活動既時間, 原本導遊可以同我地安排坐遊船遊覽琉森湖Lake Lucerne , 不過由於天氣一般而且唔係成團團友去, 所以只可以選購名錶 / 去花橋參觀,
花橋 Chapel Bridge
行完一日既行程. 我地又係時候返酒店了. 我地當晚住在瑞士蘇黎世既 PARK INN ZURICH AIRPORT HOTEL. 返到酒店之後. 我地在酒店內食晚餐. 唔知係唔係果幾日都太凍. 我都終於頭暈暈, 眼花花, 腳軟軟...生病了. 飯都食唔落快D返上房食粒藥訓一覺好既.
沒有留言:
發佈留言