塵世美紐西蘭9天之旅@DAY 9

2010年10月9日

 

行程的最後一日, 呢日係全程最早起身既一日, 都可以話冇咩點訓過. 凌晨3點45分MORNING CALL. 早到連酒店都冇辦法安排到早餐, 連早餐盒都冇. 不過即使有, 我相信都唔會有胃口食. 我地凌晨4點半就離開酒店向機場出發. 都係坐JET STAR JQ244由基督城飛返奧克蘭. 06:20起飛, 0740到. 天呀!! 我地到左奧克蘭之後仲要在機場等到中午2點20分先起飛返香港, 6個半鐘在機場.....做咩好......

我地到左奧克蘭機場之後, 雖然只係步行可以到的距離, 不過旅行社仍然安排左旅遊車送我地去到國際機場.

去到國際機場, 又未可以CHECK IN. 我地唯有食D野, 飲杯咖啡先.

飲完咖啡, 去CHECK IN. 點知.....有一件行李冇左?? 諗諗下..先記得. 一定是留左在內陸機的行李帶, 好彩行得返去. ANNA同我行返去搵. 問航空公司職員. 我地話有件行李唔記得攞, 問佢有冇. 佢竟然問返我點解會唔就得攞. 哈!! 唔記得咪就係原因囉. 估唔到佢會咁問. 不過好彩最後都搵得返. 國內機場有電腦免費上網, 我同ANNA就在國內機場上網打發晒D時間, 到差唔多夠鐘先返去國際機場.

 

CX108 奧克蘭/香港 1420/2100

新西蘭9天之旅正式結束.