返到酒店之後, 酒店叫我地即刻食晚餐, 我地是但食小小啦, 因為要留肚食BBQ嘛, 食左飯之後, 我地就去浸一浸溫泉, 呢間酒店, 分別有男湯同女湯, 而露天溫泉只有一個, 係以時間而定係男湯定女湯, 我地去到酒店的時候, 都已經成8點了, 店主話, 日本人都已經浸晒了. 唔會再浸. 佢話我地如果唔介意, 4個人起玩露天溫泉都可以. 因為露天溫泉成晚只係屬於我地4個人. 咁....都幾得意o既, 最多用毛巾姐, 反正都冇人見到嫁啦. 我地4個人就分別o係男女湯大浴場各自沖涼, 之後相約o係露天溫泉等. 點知, 我同細妹搵黎搵去, 都搵唔到一條比較大o既毛巾, 算啦, 分開浸啦...個露天溫泉都好靚, 我同細妹坐o係道浸.....睇下星星...傾下計....好RELAX....10分鐘....20分鐘....好似好無聊了.....唔玩了, 去BBQ好過.
酒店 "富津岬莊" 
房....去到先知冇洗手間o係房...灰...完全冇考慮過有冇呢個問題. 下次要小心D了...
女浴場
露天溫泉
泡完溫泉, BBQ...玩煙花...好滿足呀~
沒有留言:
發佈留言