澳門遊@飲飲食食

我地一去到酒店CHECK完IN. 就即刻出左去食野. 我地第一站去左誠昌食水蟹粥. 呢間水蟹粥幾年前我地都食過. 而且仲一直都掛住果種"鮮"味. 不過今次食返. 又覺得不外如是+冇驚喜.

因為我地只係食午餐, 所以水蟹粥之外只係叫左黃金蝦.

之後行過見到譚家魚翅, 我同男友一人食一碗. 不過麻麻~

食飽返房HEI下, 又去賭場玩下. 玩到六點幾就去食晚餐. 因為聽過D澳門同事講澳門金沙既自助餐又平好好食. 我地就去試下啦. 兩個人計埋5百幾蚊. 一入場行一轉好似好多野食咁. 不過其實又真係冇咩好食. 唯獨就係有個加非蟹. 超多膏....

仲有長腳蟹. 不過當然唔夠在日本食既好食. 但勝在唔駛剪蟹.

第二日食完酒店個早餐, 12點CHECK OUT之後就再去賭場玩下. 又玩到六點幾先走人. 最終放底左$1000都算好好彩. 澳門同事向我推介黑沙環既"新益" 呢間野可以話係我地在澳門最滿意既一餐. 可惜既係得我同男友兩個食唔到幾多野(因為佢既野份量都幾多). 我之前睇過人地既BLOG介紹有個醉酒蝦. 不過我地ORDER既時間個職員話我地得兩個人食唔晒. 唯有食下其他啦. 呢間新益既菜名都古靈精怪既. 不過我地叫果幾種既古怪名我都唔記得晒了.

今次果$1000就放住o係新濠天地先. 下次我會再去. 連埋利息一齊攞返!!!