由於新西蘭篇網誌唔知點解寫黎寫去都未完, 引至2010年既生日之旅到而家都2011先得閑寫. 要忘記既, 都忘得七七八八, 難忘既, 就一生都唔會忘記.
今年的生日旅行地點在北京. 呢次係我同男友第一次同遊廣東省以外的"中國". 男友一直對大陸都冇咩好感, 所以一直都唔多願去大陸旅行. 但由於係我生日. 所以地點都係由我定. 佢冇得選擇.
我地今次在北京玩五日11月26~11月30. 坐中國國際, 住中奧馬可孛羅.
2010年11月26日
飛機到達北京首都機場其實不過四點左右, 不過由於冬天早天黑, 已經開始日落了.
我地離開機場之後, 就直接去到王府井大街, 先食晚餐後行街. 我地食晚餐的地方在新東安apm的辣婆婆, 其實味道係唔錯既, 只不過我地要留肚去東華門食野, 所以是但食小小就算了.
東華門夜市. READY....食食食.....
在東華門夜市, 古靈精怪真係咩都有得食. 我同阿臣一邊行一邊食, 在短短30分鐘, 我地就嘗試左好多種唔同既小食. 海膽(生食)￥15一隻, 估唔到味道又過得去. 我地原本想食多一隻, 不過都係決定留返個肚食下其他唔同既野. 之後我地又食左海星￥15, 海星都冇咩食既, 而且又冇咩味. 我地各食左一個角就冇食了. 我地繼續食, 佛跳牆￥30(唔好食),牛丸￥10,羊肉串￥5兩串, 驢打滾￥6, 炸响鈴￥10, 仲有....阿臣食左炸褐子￥15
我地離開東華門夜市之後, 就行左去王府井小食街. 在東華門見到果D蠍子已經夠肉酸了. 估唔到王府井小食街既仲可怕. D蠍子活生生一串一串, 在竹籤串住既蠍子仍然會動......
因為男友之前已經食左蠍子, 總算放過D蠍子一馬, 不過佢就食左海馬￥15, 我地沿途見到好多酸奶, 包裝好得意. 不過我地兩個都唔中意飲酸奶, 所以影張相見過就算了.
去到王府井, 梗係要搵下真正既王府井在邊啦.
離開王府井, 我地經過在世貿天幕, 落車影張相就返酒店了.
返到酒店放低D野之後, 我地就出去睇下酒店附近有咩野食. 行左一陣, 都係食川菜.
我地食左水煮魚同埋夫妻肺片
飽到上心口. 返酒店訓覺了.......
沒有留言:
發佈留言