離開Agrodome之後, 我地就向Waikoto出發. Waikoto最出名既當然就係世界7大自然奇景之一的螢火蟲洞. 而我地參觀螢火蟲洞之前, 就先去到一個英式庭園ROSELANDS食中午餐先.
ROSELANDS的入口
室內座位
室外座位 (真係好羨慕新西蘭人有咁舒適既環境)
廚師為我地準備午餐
午餐有魚同牛可供選擇
不過魚唔夠飽, 都係牛好D
在新西蘭隨處可見的奇異果
HAND MADE 糕餅
在呢個咁舒服既環境享受午餐, 享受的唔只係食物. 單是享受環境已經不亦樂乎。
離開ROSELANDS之後, 我地就去Waitomo睇螢火蟲了.
螢火蟲洞和懷托摩鐘乳石洞Glowworm Caves入口
售票處
價目表
無論係鐘乳石洞定螢火蟲洞都係禁止影相, 禁止觸摸, 同埋禁止吸煙
我地先參觀鐘乳石洞. 以鐘乳石洞黎講, 真係好似我地祖國果d靚好多. 至於螢火蟲洞呢. 原來成個過程. 都只不過得果五分鐘. 呢道的螢火蟲發山的係藍光, 唔會閃吓閃吓的. 睇的時候的而且確好靚. 不過距離震撼仲有好大距離. 在睇螢火蟲其間. 最開心的就係在睇的過程. 大家都真係只用雙眼去睇. 無論幾興奮. 都唔會發出任何聲音, 怕嚇親d螢火蟲. (都係多得導遊的提醒, 如果唔係. 好似上次在沙巴睇螢火蟲既時候, 只見到一下又一下既閃光燈, 一聲又一聲既尖叫聲, d人真係唔識為人著想. 討厭!!)
洞內唔比影相. 我就遊完船之後影一影個出口留念啦.
離開洞穴, 我地就去賣店睇下. 原來發出藍光的小昆蟲係咁既.
除左毛公仔之外, 仲有Jelly.
睇完世界7大自然奇景之後, 我地就返去奧克蘭. 我地晚餐在奧克蘭最出名既中餐廳"海港"食.
在餐廳門口望出去就已經可以見到我地既酒店個塔Sky Tower
食飽之後, 我地就返酒店, 在奧克蘭所住的酒店Sky City Casino Hotel, 係有賭場既. 而且酒店仲好靚添.
我地入去賭場行左一個圈之後, 我同ANNA就走出酒店附近的Queen's Street行下. 估唔到. 新西蘭最大的都市的晚上都係咁水靜河飛. 唯有早D返酒店訓. 因為第日要好早起身~~
沒有留言:
發佈留言