07OCT2010
行程的第7日, 上午我地仍然留在Queenstown. Queenstown係新西蘭咁多個地方之中我最中意既. 因為我中意雪山, 湖泊. 但又小不了熱鬧既TOWN. Queenstown有好多唔同既活動可以參加, 可惜係我地只停留兩日時間, 要玩晒所有既野基本可以話係冇可能.
在Queenstown其中一個活動就係坐直昇機上雪山. 直昇機30分鐘 NZD295. 我地一早由酒店出發去直昇機場. 預備由直昇機帶領我地去到南阿爾卑斯.
我地4個都係第一次坐直昇機. 估唔到坐直昇機既感覺係咁震撼既. 可以離山脈既距離咁近. 有幾下個機司仲貼住個山黎走, 我地成機人個個大叫出黎. 新西蘭之旅, 最令我興奮的玩意非直昇機莫屬.
到了....我地在山頂停留一陣影下相, 雖然雪唔係好厚, 但係都好開心...
大家在山頂都樂而忘返, 個機司係咁叫我地返上機都冇人理佢. 拖得一陣得一陣. 不過始終都要返落山了......
坐完直昇機之後, 我地就返酒店收拾好行李繼續行程.
我地在Lake Wakatipu湖邊行下. 餵下鴨仔食野. 真係好享受呢d咁RELAX既生活. 如果再有多D時間, 我都好想在呢個湖邊飲杯咖啡. 胡亂諗下野.
Queenstown有好多大大小小既紀念品店, 不過來來去去都係賣果d野. 我就買左兩隻BB羊公仔.
離開Queenstown市中心, 我地就去坐Skyline Gondola上790M的Bob's Hill.
上到展望台. 我地影左一陣相就食中午餐. 在展望台可以睇到Queenstown既全景.
午餐的餐廳
嘩!! 可以望住咁靚既景食飯都真係開胃D. 原本在咁靚既環境下應該慢慢享受. 不過我地約左另一個團友同導遊, 向山既最高點進發, 目的就係為左坐小雪橇LUGE. 我地唯有快D食了.
向山頂進發. 不過上山頂原來要坐呢d兩腳fing fing既吊車. 對於我呢d有畏高既人黎講, 呢程車至係最驚既.
上到了. 腳都軟埋. 不過呢d車仔都幾好玩. 原本想玩多一次, 不過真係受唔住要坐多一次吊車. 都係算了吧.
我地坐返Gondola落山, 中途經過有玩Bungu Jump既地方, 呢d玩意, 我真係諗都唔夠膽諗呀.
食完午餐之後, 我地就離開Queenstown, 下一站係箭城Arrow Town. 箭城在1860年代係一個淘金熱點. 而家既街道仍然保留住當時的街景.
在箭城, 我地主要參觀左Lake Districk Museum. 呢個Museum係改建自一間銀行, 展出既係箭城的歷史資料, 照片, 當時的服飾同採礦用具等等....
箭城的POST OFFICE仍然係古味十足.
在箭城見到一古老Civic.
之後我地就去到Bungy Jump既發揚地. NZD180跳一跳. 佢比我我都唔肯呀!!
由於我地冇人跳, 所以我地就睇人跳. 哈. 又真係有人跳喎. 真係好大謄呀~~
我地在返酒店的途. 經過一間水果店停一陣比我地買野. 佢D水果份量真係太大了.所以都冇買. 不過除左水果之外, 仲有新西蘭好出名既蜂蜜. ROYAL JELLY等等, 價錢仲比Queenstown平, 真係激死我.
記得以前我阿爺養蜜蜂. 當蜂蜜收成既時候, 就會比我地食冇加工過既蜂蜜, 在新西蘭見到呢種產品, 忍唔住買返幾盒回憶一下童年既感覺.
之後我地就返酒店了. 我地既酒店在特威爾斯. 一個好鄉下既地方. 附近咩都冇, 而且仲好凍. 酒店雖然有暖氣, 不過其實只係一個暖風機. 不過好彩.....原來張床有電毯...好暖呀. 我同ANNA都好中意呢張電毯. 返到香港, 我地都各自買左一張.
酒店 MACKENZIE COUNTRY INN
沒有留言:
發佈留言