富士山@攻頂之旅

2008年8月23日

 

我和媽咪和堂細妹MICHELLE做左一件好偉大的事. 就是登上日本第一高峰3776米既 "富士山".

我們報了JTB的一個兩天團, 早上7:30分於新宿集合.

 

到左11點, 我們已經到了富士山的五合目,  我們3個人都好開心, 好期待...


不過五合目的天氣並不是太穩定.

 

在準備登山之前, 我們有點自由活動時間去食午餐和買點用品.

天氣不是太好, 落緊小雨. 不過都冇影響我地的心情. 我地成團有成42個人. 而去到五合目的時候, 就多了一個登山導遊. 我地12:55pm由五合目開始出發,

 

行左30分鐘左右.....我已經好攰了

 

攰的原因係因為我體能差, 而且因為跟團, 一定要大家起行....冇得休息...我地3個成日都行第尾....大隊都等緊我地...好大壓力呀!! 導遊行第一, 領隊行最尾....領隊行行下又停下等我地...我忍唔住了....太辛苦了, 我同領隊講我地需要休息, 叫佢行先, 唔駛理我地, 我叫佢o係酒店等就可以了.....點知佢話唔可以. 佢一定要等我地. 我地又唯有死死地氣行了.

雨仲要越落越大呢....一直行到5點. 去到我地休息o既酒店, 八合目o既東洋館...中途只係比我地停左兩次休息...到左酒店, 腳都冇晒力了..衫又濕晒, 打開個袋, 想換件衫, 點知....成個袋o既野都濕晒了(**其實我地既準備真係好唔充足, 因為高原地方天氣反常, 而我地3個又真係無準備任何防水用品, 就算是雨衣都係在五合目急急買下)...又凍又攰...好可憐呀.....由5:00pm至12:15am係我地的休息時候...但果D地方(冇暖氣, 而且所有人都是同住一間房, 沒有男女之分, 而且還是訓TATAMI, 身旁訓的都是不認識的人, 房內又不時有人發出強烈的鼻鼾聲...又叫人點可以休息呢....)我隻手都凍到腫晒了.

 

第一次看見自己隻手變成咁~~ 

 

到左凌晨12:15分集合了. 又企o係道聽個導遊講野講到12:55am...真係未出發已經企到攰了....呢一站o既出發, 我地團小左5個人...佢地都係頂唔順唔行了. 但我一定會支持住o既....一直行..行..行...已經都好辛苦啦. 個導遊仲要話我地太慢. 同佢地距離太遠...真係好嬲呀. 我話自己行又唔比, 行得慢又比壓力我...真係激死人呀!!! 最後我同佢簽左張離團証明, 佢地終於都放過我了. 而我又終於可以行下休息下了. 我們一直行到4點幾..到左3400米. MICHELLE同媽咪都好攰, 佢地話要休息耐D, 我地就在3400米的休息室, 每人比YEN1000入場費休息1個鐘. 佢地都訓了...但我又訓唔著.

.

媽咪同MICHELLE都頂唔順要訓一陣了.

 

訓到5:15分...風大到人都企唔定...而且雨都很大..佢地話..唔行了...其實我覺得有點可惜,  但我都受唔住了, 想唔放棄還是放棄...落山啦..但係原來落都係咁辛苦....點解我自己要搵呢D苦黎受.....落山o既時候, 唔止又凍又攰, 仲要行左成個鐘都冇洗手間...急死我.....

呢個富士登山之旅, 係繼沙巴玩激流之後第二次感到死亡係離我好近...真係好可怕....

不過當可怕過後, 回想轉頭, 仍然好想再一次征服這座山. 總有一日, 當我準備充足, 我會再挑戰多一次你既 "富士山".