長灘島遊記@第三篇

行程既第2日. 我地SET左09:00AM MORNING CALL諗住食下酒店早餐. 點知我地3個都失敗. 訓到10:00AM 門鐘響, 仲有人拍門 " HOUSEKEEPING, HOUSEKEEPING". 激死. 我起身開門同佢講. 我地仲未起身. 無奈......都比佢嘈醒左. 咁唯有起身啦. 打開窗,雖然太陽伯伯仲未出現. 不過都總算天朗氣清啦.

我地先去FISH BAR醫左肚先.

 之後就返酒店門口搵返賓仔約去浮潛. 講完價之後PHP1800 3小時成交. 我地上船之前先去買D麵包喂魚. 我地同佢講我地要去CROCODILE ISLAND + CRYSTAL CAVE + PUKA BEACH. 佢話OK!OK!! 不過上左船一陣. 佢話去CROCODILE ISLANDA好大浪, 危險. 咁就梗係命仔緊要啦. 唔去就唔去啦. 不過我地都冇話唔去CRYSTAL CAVE. 但船家都同我地CANCEL埋. 真係激氣...好啦船家話附近有個小CROCODILE ISLAND. 提意我地不如去果道. 是但啦. 去到小CROCODILE ISLAND. 佢問我地要唔要浮潛用具. 我地話要. 點知船家話浮潛MASK一個PHP50(上船前明明講好話包). 又激一激. 雖然係小數目. 不過就有被屈既感覺. 落到水......好凍呀D水.....冇珊瑚既?!?!.....玩左一陣冇咩好睇. 船家奇怪我地仲咩咁快上返黎. 我地話比佢知..."冇珊瑚". 船家之後同我地去左WHITE BEACH對出. 同我地講呢道有珊瑚了. 唔!! 今次果然唔錯. 有魚睇仲有珊瑚. 不過一上水. 有一隻小船就在我地船邊. 話要收浮潛費PHP20@每人. 又一次有被屈既感覺.

 

就係呢架船黎收我地浮潛費

 

之後船家話去PUKA BEACH. 我地沿途睇下風景. 都好靚好開心. 不過去到PUKA BEACH 我地冇興趣上岸了. 因為我地都攰了. 唔想游水了. 我地就遊下船河算啦.
游完水個人特別肚餓. 我地就去左D'MALL食雞肶+CREPES. 之後返酒店游下水好過.  

游完水, 我地就慢慢行去FRIDAY RESORT食晚餐. 原來行去FRIDAY真係好遠. WHITE BEACH真係好長. FRIDAY個BUFFET好似好正咁. 不過一攞野食就知....原來冇野好食. 呢一餐除左氣氛之外. 真係一無是處. PHP1150雖然唔係貴. 不過在長灘島PHP1150就可以食到好好既野食. 不過又當係見識下啦. 唔食過又唔知姐~

不過好彩佢在你食緊野既時候有D表演比你睇  

食飽之後. 經過行黎既經驗. 我地決定坐車返D'MALL.先去SEA WORLD報左名明日潛水先.  

之後在D'MALL搵按摩做. 搵左幾間都話冇位. 我地就返左我地間酒店既KAI SPA到做. GOOD~~~
KAI SPA

做完按摩都成11點了. 返房訓覺. 因為BOOK左明日玩DIVING.