長灘島遊記@第四篇

第3日行程我地一早08:30起身. 終於食到酒店早餐. SEAVIEW....GOOD~~  

我地約左10:00AM玩DIVING. 連埋講解兩小時. PHP3000@人. 我地在D'MALL附近既SEAWORLD 訂. 因為果間有個識講廣東話既新加坡人.  今次係我地3個第一次潛水. 好緊張呀~今日天氣好好. 我地落水30分鐘. 只有ANNA一個落水耳仔痛. 海底真係好靚. 同玩浮潛真係完全唔同.
出發了...... 

潛完水, 又返酒店游下水. 游完水又去食野. 呢D就係旅行了......好滿足呀~~
都第4日了. 我地都未正式在WHITE BEACH游過水. 所以食飽就去WHITE BEACH游下水, 晒下太陽. RELAX~~晒完太陽, 就在WHITE BEACH上黎一個沙灘按摩. 按下按下...就訓著左了. 訓醒之後見到日落好靚. 一邊按摩一邊睇日落. GOOD~~  

返酒店沖個涼之後就去行下街. 買下手信. 買野就係最開心啦. D野仲要咁平.

 

長灘島叫做比較有特色既手信有兩樣. 沙同埋鏈.呢兩樣都係可以整埋個名既, 送比人做手信最好.

行完街, 我地去左MANDARIN ISLAND RESORT食海鮮. 環境都OK. 不過音樂太噪.

 

食飽行返酒店途中, 我地就去影下想影左幾日既沙堡壘.