自悠行@長灘島

今年既第3次旅行終於玩完返黎. 呢一次終於都去一個我未去過既地方~~長灘島.

原本係想去歐洲SHOPPING既. 但報名既時候, 加左價每位$1000. 我知全團人都報$11999. 我就係唔甘心比多果$1000. 所以決定轉地方. 決定轉地方之後. 一直冇咩心水去邊好. 只係唔想去D去過既地方. 無意間有一晚在PPS睇左一套韓國電影"浪漫島嶼" 拍攝地就係長灘島. 睇完之後就決定去長灘島旅行.

去長灘島一定要轉機, 我選擇左經宿霧轉. 所以順便玩埋宿霧. 呢個旅程總共玩左7日. 好開心. 好RELAX.....而今次我既旅伴就係我細妹同埋我堂家姐.

11月係長灘島既干季. 不過我地去果幾日天氣都唔係幾好. 但就算天氣唔好. 長灘島仍然好靚. 玻璃海水+胡椒粉沙. 係渡假既好好好地方. 我地玩浮潛, 潛水, 做SPA......話咁快就7日了. 我地仲影左過千張相. 總之就係好開心啦.