DAY 4@列支敦士登+富森+新天鵝堡

由於之前一晚食左藥好早訓. 所以一大早就起左身. 而且個人仲充滿力量. 我就自己一個人走出去行下. 爸爸都跟埋我出去. 不過由於係機場附近. 所以都冇咩好行. 不過是但啦. 在田野之間行下其實對於香港人黎講. 都係好難得既享受. 
食左早餐之後. 我地就離開瑞士. 向列支敦士登出發. 列支敦士登公國Principality Liechtenstein係喺瑞士同奧地利之間既一個小小國家(世界第4小國).

由酒店開車到列支敦士登坐左個半鐘頭車. 我地o係列支敦士登停留一個鐘.
 列支敦士登地圖  

列支敦士登係歐洲著名既郵票小國. 不過我冇集郵習慣, 所以冇買.  

離開列支敦士登. 我地又再一次進入德國境內. 準備去到我最期待既景點"新天鵝堡". 不過當我地進入德國境冇幾耐. 我地架車被德國警察截停. 原因係旅遊車既德國入境紙過左期. 經過個幾鐘既周旋. 司機終於比左eur1120既罰款. 我地繼續出發. 不過由於之前既周旋. 令到我地到達餐廳已經兩點半了. 去到餐廳....嘩....真係估唔到...呢個世界真係有D咁舒服既地方. 自問自已都睇過好多名山大川. 不過到左富森Fussen. 真係比呢種"自然"既感覺深深引. 塵世美...原來在呢道....  

我地食中午餐既酒店  

午餐品嚐一下德國香腸(啤酒自費)  

飯後. 我地立即前往新天鵝堡.

新天鵝堡Neuschwanstein位於富森Fussen, 係巴伐利亞國王路德維希二世的童話宮殿.到左停車場之後, 我地首先見到既係高天鵝堡Schloss Hohenschwangau(舊天鵝堡)  

上去新天鵝堡有三種方法1)巴士 2)馬車 3)步行，本來我地係諗住坐馬車既. 不過導遊話馬車好多人排隊，咁我地就唯有坐巴士上山. 再坐馬車落山. 雖然巴士都唔係真係好多人排隊. 但我地足足等左成個鐘頭先上到車. 因為上車之後由個司機收錢. 又要收錢又要找錢, 仲要慢...真係超激死人.  下圖:巴士站排緊隊既人.  

巴士車費單程 EUR1.8  

一落車. 我地見到個指示牌. 一邊係去橋, 一邊係去天鵝堡.  

我地見人人都去橋果邊. 我地又跟住去.嘩. 好彩我地跟住人行. 原來條橋叫瑪利吊橋 (Marienbruck) , 可以睇到新天鵝堡既遠境. 如果冇去就真係可惜了.  

我地影完相. 即刻走去新天鵝堡. 我地急急腳行. 中途經過見到高天鵝堡遠景.  

行到去新天鵝堡門口已經差唔多夠鐘了. 影張相之後就又急急腳走返落山.  

馬車又唔見有. 唯有用腳行.......行到落山. 已經夠鐘. 連紀念品都冇時間睇. 我仲一心諗住要買一座新天鵝堡模型. 但結果咩都買唔到.....唯有留返下一次啦.
離開新天鵝堡. 我地就離開德國, 向奧地利方向出發. 當晚我地住在奧地利一個小鎮既酒店PENZ WEST HOTEL. 一間好COUNTRY FEEL既酒店.  

酒店房(冇冷氣, 不過一d都唔熱)  

厠所

由房望出外既景色