都唔明點解次次去旅行, 早上總係有人按我門鐘. 9點正, 又比門鐘吵醒. 唉. 唯有去食早餐. 早餐地點位於24/F THE WORLD
其實早餐黎黎去去都係食果D野姐. 對我黎講只要有煎蛋同咖啡就OK了.
食飽早餐, 我地坐BTS去MBK行下. 唔覺唔覺就行左大半日. 之後我地去左水門街(Pratunam Road)食海南雞. 其實去過咁多次泰國. 都真係冇去過水門街. 什至連水門街都唔知在邊. 因為我一直都覺得只要在泰國食海南雞. 檔檔都咁好食. 所以就冇特登去食了. 我地在MBK坐的士去水門街. 真係好堵車.....去到先知胡慧沖介紹果檔Kaiton Pratunam原來5點先開門.
我地見附近仲有一間KnangHeng, 就先叫佢一份食住先B35.
不過其實呢間都係出名既.
食完之後, 行返去胡慧沖介紹果間. 果然....5點一開. 真係好多人(泰國人)等住買雞. 我地又叫多兩份黎食B30一份. 不過講真, 我真係食唔出同第一檔有好大分別. 嘻嘻!!
食飽之後, 行返酒店HEI下再去行Suan Lum Night Bazaar.
沒有留言:
發佈留言