長洲遊

2008年8月20日

放工之後我同PINKY坐9:00PM鐘的船去左長洲玩

長洲, 真係一個好地方, PINKY話希望第時可以O係呢D地方平平淡淡咁生活, 我就覺得自己唔可以了, 一兩日就可以, 長住? 悶死... 

我地今次住左兩晚, 一晚住渡假屋, 一晚住酒店, 兩間我都覺得唔錯. 一起身,  個景真係令人好舒服.......海景, 海浪...我最中意.

呢張相係我起身影嫁, 一起身可以有個咁o既VIEW, 真係開心死.

 

我地決定買野返渡假屋食, 一邊睇海, 一邊食, 好RELAX...

 

其實而家的渡假屋都真係幾靚! (1晚$500/平日)

 

最神奇就係而家o既渡假屋竟然已經用鎖匙咭.

 

我地第二晚住的華威酒店 (晚$560/平日+$70/兩位早餐)

 

3樓的電梯大堂

 

房間都OK, 因為新妝修, 但LOBBY就真係只有2*

 

呢間酒店最特別就係第二日的早餐係送到房食的.

 

又係海景早餐, 不過今次就食西式

 

睇落好似得得地, 但食落真係好唔得. (有雪味的生果, 發霉的多士)

 

與其要食好野,不如出去搵d特別野食, 好似長洲大魚旦啦, 好好味嫁.

 

仲有好多糕點, o係香港已經好小見了.

 

出發之前上網睇過話張記好出名.

 

咁就梗係要試下啦, 店員話佢地最出名係魚旦同墨魚丸. 魚旦都ok, 但墨魚丸就普通了.

 

我地兩個人o係酒店BBQ, 由4點燒到9點, 中途冇停過口, 冇停過手, 利害!!

 

江記的魚湯魚頭煲, 一個字, 正!!

 

我呢個海鮮屠夫, 當然唔小得要食海鮮啦.

 

食咁多野, 一定要行, 我地就去左長洲最出名的張保仔洞.

 

呢道就係張保仔洞的入口, 咁窄, 都係o係入口留影算了.

 

由碼頭行去張保仔洞真係好遠, 行左成45分鐘, 回程我地決定坐街渡返碼頭, $3@人.

 

今次我同PINKY都玩得好開心. 所以下次如果有時間, 不防去離島行下.