2010年10月6日
MILFORD SOUND米爾福峽灣係一個自費行程NDZ226. 我地成團人都參加, 所以雖然係轉左一架由船公司安排既車. 車上仍然只有我地一班團友.
由船公司安排既車, 比我地本身果架仲多左一個天窗.
呢日既車程就真係認真 "甘", 我地由酒店出發, 先坐左兩個鐘車. 在一個休息站KIWI COUNTRY休息一陣. 雖然坐得耐. 不過竟然比我見到已經好多年冇見過既彩虹.
離開休息站之後, 我地繼續出發. 在訓到迷迷糊糊之際. 聽到導遊叫我地落車影相. 好似話係國家公園, 我地一家就影張相留念. 不過其實我又真係唔覺得果道風景有幾靚.
之後我地去到MIRROR LAKES鏡湖. 開始有D雨了.
.
MIRROR LAKES有D似我地中國既九寨溝, 不過如果真係要比, 九寨溝真係靚佢千萬倍呀. 不過...又可能係我地去既當日天氣唔好姐.
之後, 我地在一條河邊停低. 目的係比我地裝水. 裝一支天然既泉水. 司機同我地講, 當地既人係唔會用錢買水, 因為呢d天然既雪山水係最好飲既. 我地都唔走寶, 裝返支走返酒店沖茶, 唔知d茶會唔會好飲d呢??
在河邊, 我地見到3隻野生KEA.
旅遊車一直行, 越黎越多雪山雪地.
我地去到THE CHASM再落車. 雨越黎越大了. THE CHASM係睇水既威力, 一個洞口窄既瀑布.
睇完THE CHASM之後, 我地下一站終於去到碼頭了. 去到碼頭, 已經係下午一點鐘了.雨仲未停.
上船了~
我地一上船就開始食自助餐(另外比錢NZD29). 比我想像中多野食呀~~
不過食下食下, 先發覺隻船原來已經開緊, 到我行出去舺板既時候, 已經MISS左幾個點了. 不過MISS左都唔可惜. 因為睇黎睇去都係瀑布瀑布同瀑布.
不過經過有幾個比較大的瀑布, 架船會駛到好近, 我都走左出去睇. 絕對感受到大自然的威力.
遠望見到野生海獅, 在水族館就見得多, 在野外就真係第一次見.
駕駛室
離開米爾福峽之後, 我地又坐多一次好"甘"既車程返酒店. 返到酒店就開始自由活動. 是日晚餐都係自費, 我地先在DOWNTOWN行下. 之後就去左一間 "FISHBONE"既餐廳食野. 一直以為新西蘭週圍都係海. 一定會有好多海鮮食. 結果真係好失望, 新西蘭除左青口之外, 好似咩海鮮都冇.....所以我見FISHBONE係食海鮮既, 就諗都唔諗就決定呢間了.
飯又食飽, 野又買完. 係時候返酒店訓了.
沒有留言:
發佈留言