長灘島遊記@第八篇

行程既第7日

係我地就個旅程既最後一日. 我地SET左MORNING CALL 07:00AM. 早D起身如果天氣好就出海. 起身之後雖然冇落雨. 但係就天陰陰. o係我地食緊早餐之際. 開始有小小陽光. 出海啦!! 我地預備好之後, 同酒店RQ LATE CHECK OUT. 佢比我地兩點CHECK OUT. 之後我地行出去酒店門口. 又見返之前個賓仔. 佢開價PHP3000, 講完價PHP2000玩到一點.成交. 佢就車我地去碼頭. 上車唔到10秒就到碼頭了. 呢個碼頭, 相信係佢地生活既地方. 不過D好都好清. 上船前. 佢話上島我地自己比錢. LIFE JACKET PHP100@件. 我問佢可唔可以落水攞海膽比我食. 佢話OK. 不過PHP500. 有得食就得了. PHP500就PHP500啦. 其實比佢加下加下. 咪又係PHP3000......
上船既碼頭, D水都好清, 不過宿霧既沙同長灘島真係冇得比. 

我地向資生堂島出發....上島PHP180@人, 一上到個島. 就比D海鮮引左去. 買左海鮮先. 一陣玩完上黎有得食.
資生堂島最易認既一條長橋 

我地在島上既沙灘發現左好大隻蜆, 後來燒左黎食. 

島上有好多唔同顏色既海星. 

D水好淺. 根本游唔到水. 

海鮮TOTAL PHP1900.  

PHP1900唔係要晒上圖咁多呀. 只係得呢D.  

不過咁多膏既賴廖蝦睇怕香港都幾小有. 

離開資生堂島. 我地就在島附近浮潛. 不過D水太深. 又大浪. 一D都唔靚. 我地玩左一陣又走了. 船家在我地在資生堂島玩緊既時候就已經為我地準備海膽.

D海膽都新鮮呀~~不過點都唔及北海道既海膽好食. 我明知嫁. 不過就係要"特色" 

我之前兩次黎CEBU都覺得個海靚到不得了. 不過我相信今次都係因為天氣唔好姐. 我地返酒店收拾好行李. CHECK OUT離開呢間酒店. 我地又叫酒店幫我地叫的士. 佢例牌話好難有. 叫我地坐佢酒店車. 我地話唔駛. 要普通的士(我地好堅決). 佢終於都同我地CALL 的士了. 我地離開PLANTATION BAY向香格里拉酒店進發. 因為我地在香格里拉BOOK左個半日既SPA.

一去到香格里拉. 我就好後悔. 當日我仲咩要BOOK PLANTATION BAY唔BOOK香格里拉. 價錢又差唔多. 我一心訂PLANTATION BAY就係為左個泳池. 但結果連D水都冇TOUCH過...

我地在香格里拉BOOK左既係 HALF-DAY CHI VILLA EXPERIENCE 既 TROPICAL SERENITY RITUAL 全程4個半鐘. 仲要在VILLA做. PHP11,800@人. 貴係貴D. 不過物有所值. 至少呢個價香港做唔到.

做完SPA都已經19:00PM了. 我地係時候要去機場返香港了. 差唔多到機場既時候, 見到"吞人氣"了. 在機場附近既一個商場. 個天就係要咁. 比D遺憾我要我下次再去.

下次? 係都長灘島先啦.